Këtë të dielë u pa sërish një Inter “i çmendur”. Zikaltrit vazhdojnë traditën e përmbysjeve në kampionat, duke mposhtur Fiorentinën 2-1 me gola të shënuar në minutat e fundit, dhe ruajnë kështu pathyeshmërinë në Serie A.
Trajneri Cristian Chivu shfaqi kënaqësi për suksesin dhe theksoi se skuadra zhvilloi një ndeshje serioze. Ai pranoi se u vunë në disavantazh pas një gjuajtjeje nga 30 metrash, por nuk kishte arsye t’i qortonte lojtarët për paraqitjen. “Në fund u shpërblyem, qëndruam të kthjellët edhe pas golit të Fiorentinës. Meritonim të fitonim dhe këtë do ta thoja edhe nëse ndeshja do të përfundonte 0-1. Djemtë me të vërtetë meritojnë komplimentat tona,” tha Chivu, duke vlerësuar qëndresën dhe përkushtimin e ekipit.
Gjatë ndeshjes Interit nuk i u akordua një penallti pas kontaktit Viery-Thuram; trajneri e përshkroi këtë si padrejtësi. Ai shtoi se skuadra nuk u dorëzua pas këtij momenti dhe se kjo situatë, përkundrazi, i dha më shumë forcë. Chivu nënvizoi rëndësinë e qëndrimit të qetë dhe të vazhdueshëm në momentet e vështira: futbolli zgjat 90 minuta dhe nuk duhet të ketë ankesa të tepërta për vendimet e arbitrave. Ai tha se do të preferonte që skuadra të mos pësonte padrejtësi, por pranoi se do të ketë edhe ndeshje ku nuk do të mund të rikuperohen ose të tjera ku, ndonëse në avantazh, do të humbasin. Në këndvështrimin e tij, nuk duhet të dorëzohen, por të ruajnë vendosmërinë.
Chivu përmendi se ekipi ka bërë shumë mirë përgjithësisht, duke përjashtuar ndeshjen kundër Club Brugge. Suksesi ndaj Fiorentinës thekson përkushtimin e Interit dhe aftësinë për t’u rikthyer në momente kyçe të takimit, duke vijuar një seri pa humbje në kampionat.
