Dëshmia e fëmijëve të Sose Xhebroj, 40-vjeçarja e vrarë nga bashkëshorti në Orikum të Vlorës, është zbardhur pas ngjarjes tragjike. Pas disa përpjekjeve për t’u lidhur me nënën e tyre, dy fëmijët, 16 dhe 19 vjeç, u nisën drejt banesës së saj së bashku me dy shokë. Kur hyri në shtëpi, djali i madh e gjeti nënën e tij pa shenja jete në katin e tretë, me një fashë dhe gjak në qafë.
Pas zbulimit të trupit, ai njoftoi menjëherë vëllanë tjetër, i cili ishte në makinë me shokët. Ata lajmëruan ambulancën, e cila mbërriti dhe e transportoi trupin e pajetë drejt Spitalit të Vlorës, ku u konfirmua vdekja e gruas. Ndërkohë, babai i fëmijëve, pas krimit, kreu vetëvrasje në garazh me armë zjarri.
Autoritetet kanë nisur hetimet për të zbardhur rrethanat e kësaj tragjedie familjare.
