Bruno Fernandes, lojtari portugez i Manchester United, ka shprehur dëshirën për të qëndruar në klub deri në verën e ardhshme, pa e përjashtuar mundësinë e marrjes së një vendimi në atë periudhë. Sipas BBC, ai ka theksuar se po ndihet mirë në klub dhe po kërkon të realizojë ëndrrat e tij.
Fernandes mohoi thashethemet që qarkullojnë për një marrëveshje të mundshme largimi: “Nuk mund të flas për klubin. Kam dëgjuar shumë njerëz të thonë që kam një marrëveshje për t’u larguar. Nëse klubi ka arritur ndonjë akord, nuk e ka bërë me mua,” deklaroi ai. Ai theksoi se nuk ka pasur asnjë bisedë me askënd për të ardhmen e tij dhe se edhe agjenti i tij e di qasjen e tij ndaj situatave të tilla.
Fernandes gjithashtu sqaroi se do të diskutojë për të ardhmen e tij vetëm pas Kupës së Botës, duke sugjeruar që deri atëherë, fokusimi i tij është te performanca në fushë dhe te skuadra. Lojtari duket i vendosur për të përmbushur angazhimet e tij aktuale dhe është I motivuar për të kontribuar në sukseset e Manchester United.
