Armando Broja ka lënë përfundimisht Chelsea dhe pritet që të zyrtarizohet te Burnley. Sipas raportimeve të BBC Sport, Chelsea do të përfitojë deri në 20 milionë paund nga kjo transferim. Broja ka rënë dakord për një kontratë 5-vjeçare me ekipin, ndërsa pritet të kryejë vizitat mjekësore në 24 orët e ardhshme.
Broja, i cili iu bashkua akademisë së Chelsea në vitin 2009, ka kaluar disa periudha huazimi te Southampton, Fulham dhe Everton. Megjithatë, ai ka pasur vështirësi për t’u vendosur në formacionin e parë në Stamford Bridge. Gjatë kohës me Chelsea, ai ka realizuar 38 paraqitje, duke shënuar tri gola dhe duke regjistruar dy asiste.
Transferimi i tij te Burnley përfaqëson një hap të ri në karrierën e tij, duke i ofruar atij mundësinë për të luajtur më rregullisht në një ligë ku mund të zhvillohet më tej. Broja, si pjesë e Kombëtares shqiptare, ka qenë një shpërblim i rëndësishëm për skuadrën kombëtare dhe pritet të kontribuojë njëlloj edhe te Burnley në Premier League. Kjo marrëveshje vjen në një moment ku Chelsea po bën disa ndryshime në kuadër, dhe është një rast i volitshëm për lojtarët që kanë kërkuar më shumë përvojë dhe minutazh në fushë.
