Dëshmitari i drejtësisë, Avdyl Rama nuk është gjetur. Prokuroria dhe policia e kanë kërkuar por nuk e kanë gjetur duke mos arritur që të shkojnë në gjurmët e tij.
Për këtë arsye, seanca e sotme e gjyqit që po zhvillohet në themel për Fredi Belerin është shtyrë për në datë 5 Dhjetor, orë 15:00.
Prokuroria thotë se Rama është jashtë Shqipëri, por policia ka një tjetër version duke thënë se është brenda vendit.
Gjykata ka kërkuar që policia të gjejë Avdyl Ramën dhe ta sjellë me forcë në seancë nëse nuk pranon të vijë vullnetarisht.
Kreu i zgjedhur i bashkisë Himarë ndodhet në qeli që prej 12 Majit për blerje votash.
