Botërori 2026 është i pari me 48 skuadra, çka sjell një raund shtesë, 1/16 e finaleve. Në SHBA, Meksikë dhe Kanada janë luajtur të gjitha ndeshjet e dy raundeve të para në grupe; disa skuadra kanë siguruar kalimin tutje, ndërsa të tjera janë shumë pranë. Sipas gjendjes së tanishme, është formuar një renditje provizore e çifteve që pritet të luajnë në 1/16 e finales.
Ana e majtë e tabelës përfshin: Gjermani–Paraguaj (e para e grupit E – e treta e grupit A/B/C/D/F), Francë–Suedi (e para e grupit I – e treta e grupit C/D/F/G/H), Kore e Jugut–Zvicër (e dyta e grupit A – e dyta e grupit B), Holandë–Marok (e para e grupit F – e dyta e grupit C), Portugali–Ganë (e dyta e grupit K – e dyta e grupit L), Spanjë–Austri (e para e grupit H – e dyta e grupit J), SHBA–Algjeri (e para e grupit D – e treta e grupit B/E/F/I/J), dhe Egjipt–Çeki (e para e grupit G – e treta e grupit A/E/H/I/J).
Ana e djathtë e tabelës përfshin: Brazil–Japoni (e para e grupit C – e dyta e grupit F), Bregu i Fildishtë–Norvegji (e dyta e grupit E – dyta e grupit I), Meksikë–Skoci (e para e grupit A – e treta e grupit C/E/F/H/I), Angli–Kepi i Gjelbës (e para e grupit L – e treta e grupit E/H/I/J/K), Argjentinë–Uruguaj (e para e grupit J – e dyta e grupit H), Australi–Iran (e dyta e grupit D – e dyta e grupit G), Kanada–Belgjikë (e para e grupit B – e treta e grupit E/F/G/I/J), dhe Kolumbi–Kroaci (e para e grupit K – e treta e grupit D/E/I/J/L).
Turneu ka 12 grupe nga 4 skuadra secila dhe vetëm 3 ndeshje për çdo skuadër, kështu probabiliteti për ekipe me pikë të barabarta është shumë i lartë. Në rast barazimi, FIFA përdor radhitjen e kritereve: ndeshjet direkte (A) pikët në ndeshjet direkte, (B) golavarazhi në ndeshjet direkte, (C) golat e shënuar në ndeshjet direkte; nëse vijon barazimi, kriteret e përgjithshme: (D) golavarazhi total, (E) golat e shënuar total, (F) klasifikimi disiplinor (Fair Play), dhe (G) renditja e FIFA si zgjidhje ekstreme.
Risi është klasifikimi i ndarë për vendet e treta: 12 skuadrat që përfundojnë të trjeta renditen dhe vetëm 8 kalojnë më tej. Kriteret: pikët, golavarazhi, golat e shënuar, sjellja disiplinore dhe renditja e FIFA (referencë zyrtare e 11 qershor 2026). Simulimet sugjerojnë se 5 pikë sigurojnë kualifikimin, 4 pikë janë thuajse të sigurta, 3 pikë japin rreth 65% shans për kalim si treta më e mirë, dhe 2 pikë japin rreth 5% shans. Përfshirja e triave mund të gjeneronte 495 kombinacione për 1/16 e finaleve; FIFA zgjodhi një matricë fikse për të parandaluar përballjet brenda të njëjtit grup dhe për të vendosur kryqëzime standarde ku fituesit luajnë me të dyta ose të treta.
