Bianca Censori riktheu vëmendjen me një set të ri fotografik ku shfaqet me një veshje transparente të markës Yeezy, duke pozuar pranë bashkëshortit Kanye West. Imazhet, të realizuara në një parking nëntokësor, u publikuan në llogarinë e saj në Instagram dhe u shpërndanë edhe nga stilisti dhe fotografi Gadir Rajab, i cili i shoqëroi me mbishkrimin: “Vala e të nxehtit në Europë”. Në njërën prej fotografive, 31-vjeçarja australiane shfaqet përkrah reperit, i cili ishte veshur tërësisht me të zeza dhe me syze dielli.
Pak ditë më parë çifti ishte fotografuar edhe në klubin e natës Circoloco në Ibiza, ku Censori mbante të njëjtën paraqitje. Dalja e tyre vjen përpara një performance të planifikuar të Kanye West në Madrid. Paraqitjet e Censorit kanë nxitur debate në rrjetet sociale, me shumë përdorues që kanë spekuluar se zgjedhjet e saj stilistike janë të ndikueshme nga bashkëshorti.
Në një intervistë për Vanity Fair, Bianca Censori hodhi poshtë këto pretendime dhe theksoi se çdo veshje është rezultat i një procesi të përbashkët krijues. “Nuk do të bëja kurrë diçka që nuk dua ta bëj”, u shpreh ajo, duke shtuar se paraqitjet e saj janë fryt i një “bashkëpunimi” me Kanye West. Ajo theksoi gjithashtu se martesa e tyre bazohet në dashuri dhe jo në përfitime personale: “U martova me të sepse e dua. Nuk u martova me të për të fituar një platformë apo famë”.
Fotografitë dhe reagimet në rrjetet sociale vijojnë ta mbajnë Censorin në qendër të vëmendjes mediatike, ndërsa çifti vazhdon paraqitjet publike në periudhën para angazhimeve të reperit.
