Gjatë mbledhjes me kryetarët e degëve, kryedemokrati Berisha iu drejtua me kritika të ashpra të gjitha strukturave drejtuese të Partisë Demokratike, duke vënë theksin te nevoja për organizim më të mirë të partisë. Ai deklaroi se kryefjala është organizimi dhe se PD nuk është marrë në shkallën e duhur me organizimin për një seri çështjesh, duke theksuar se duhet njohur problemet e brendshme dhe përkushtimi i energjive nuk ka qenë në nivelin e duhur.
Në fjalën e tij Berisha u shpreh: “Kryefjala është organizimi dhe vetëm organizimi. Ne jemi parti e madhe. Ata që e vënë në dyshim këtë, gabojnë. Jemi parti e madhe, por kemi pasur një problem. Duhet ti njohim problemet tona. Nuk kemi marrë në shkallën e duhur me organizimin për një seri, ne nuk jemi ata që jemi përkushtuar në shkallën e duhur, energjitë për qëndrimin tone”.
Ai vendosi si kërkesë të menjëhershme riorganizimin e partisë, duke urdhëruar që kjo të jetë detyra e përditshme e çdo funksionari të PD-së. Sipas tij, nga dita e sotme çdo drejtues duhet të angazhohet në këtë proces. “Sot dhe çdo ditë, kryetarë, anëtarët e kryesive, drejtues e qarqeve, koordinator, kryetarët e grup seksioneve kanë detyrën më të rëndësishme, riorganizmin e kësaj partie. Nga seksionet deri në drejtimet kryesore. Është e domosdoshme për tu përballur me situatën krijuar. Edi Rama është në pozitë vështirë, del vetëm po pranuam ne” — deklaroi Berisha, duke lidhur nevojën për riorganizim me gjendjen politike dhe rolin e strukturave të PD-së në përballimin e situatës.
Mes kërkesave të përsëritura nga kryedemokrati ishte angazhimi i të gjitha niveleve të partisë, nga seksionet deri te drejtimet kryesore, në procesin e riorganizimit. Berisha nënvizoi domosdoshmërinë që strukturat të punojnë dhe të riorganizojnë partinë në mënyrë që, sipas tij, të krijohen kushtet për t’u përballur me situatën e krijuar në skenën politike.
