Sali Berisha para gazetarëve deklaroi se ka qenë dhe mbetet dakord që në Zvërnec të investohet. Ai tha se edhe para tre vitesh, kur u njoftua se Jared Kushner do të investonte në Shqipëri, ai iu përgjigj po, sepse sipas tij investitorët kishin paratë. Berisha rikujtoi se reagimi i tij ndaj këtij lajm ishte “plotësisht dakord”, duke sqaruar se arsyeja kryesore ishte se “i ka paratë” dhe duke përmendur se thuhej se fondi saudit, si fond publik investimesh, ishte një fond trilionësh, pra financimi ishte i sigurt.
Ai shtoi se me këtë qëndrim nuk kishte dyshim që Rama po blinte influencë politike, por për Berishën interesi i vendit kishte prioritet ndaj shqetësimeve të tilla. Investimi në Zvërnec, tha ai, është marrëdhënie private. Për ata që janë kundër, ai i quajti hipokritë, duke sjellë si shembull Sazanin, që sipas tij ai dhe Fatos Nano e kanë ofruar më parë për investitorët; Sazani është tokë publike, ndërsa Zvërneci, theksoi, është tokë private dhe e banueshme. Berisha theksoi se bimësia e Sazanit, e përshkruar si “çudia e Sazanit”, do të ruhet dhe nuk prishet, duke nënvizuar se Sazani është tokë publike, ndërsa Zvërneci është pronë private dhe se ata mbështetën investimin e huaj.
Në lidhje me ndërtimet në zona të mbrojtura, Berisha deklaroi se kjo praktikohet edhe në vende të tjera dhe se Bashkimi Europian ka përcaktuar kriteret për zhvillimin e zonave të peizazhit. Ai përmendi se mund të zhvillohen ndërtime në zona të mbrojtura në përputhje me standardet, duke kaluar në katër shkallë sipas BE-së, dhe se doktrina nuk e përjashton këtë mundësi. Si shembuj ai përmendi Thethin dhe Valbonën, të cilat, sipas tij, janë në parqe kombëtare dhe se kjo nuk dëmton por zhvillon zonën. Berisha u shpreh se zhvillimi duhet të bëhet në përshtatje të plotë me peizazhin, duke shmangur ndërtimet vetëm në shkrepa dhe përroje.
