Barcelona u përmbys dhe mposhti Villarrealin 3-2 në ndeshjen e javës së 13 të La Liga, në Camp Nou. Skuadra e drejtuar nga Hansi Flick arriti të kthejë rezultatin në pjesën e dytë pas një nisjeje të keqe në pjesën e parë.
Villarreal kaloi shpejt në avantazh, me Buchanan që shënoi në minutën e 4, ndërsa më pas Oluëaseyi zgjeroi epërsinë brenda shtatë minutave lojë. Nëndetësja e Verdhë pati edhe mundësinë për të bërë 3-0 me Mikautadze, por më vonë Barcelona mori kontrollin e ndeshjes. Në minutën e 22, Barcelona pati një rast të rëndësishëm për të rihapur rezultatin, kur Yamal gaboi nga pika e bardhë e penalltisë. Pjesa e parë u mbyll 2-0 për Villarrealin.
Në pjesën e dytë Barcelona ndryshoi qasjen dhe u duk më agresive në kërkim të golit. Joao Cancelo goditi shtyllën, ndërsa Fermin shënoi një goditje që u ndal nga portieri Gulasci. Shpërblimi erdhi në minutën e 56, kur Gerard Martin shënoi me kokë pas një goditjeje këndi për ta ngushtuar diferencën në 2-1. Vetëm katër minuta më vonë, në minutën e 60, Fermin Lopez barazoi rezultatin në 2-2, dhe në minutën e 67 një autogol i Pau Navarros vendosi përmbysjen në 3-2 për Barcelonën.
Pau Navarro më pas u ndëshkua me kartonin e dytë të verdhë në minutat shtesë, i cili u shndërrua në karton të kuq, ndërsa ndeshja u mbyll me fitoren e Barcelonës. Me këtë fitore katalanasit shkojnë në 36 pikë dhe kryesojnë tabelën, duke rikthyer një diferencë prej tre pikësh nga Real Madrid, ndërsa Villarreal mbetet me 15 pikë.

