Barcelona është në përgatitje për të nisur vitin e ri me një përballje të rëndësishme, derbin katalanas ndaj Espanyol. Skuadra që drejtohet nga Hansi Flick ka realizuar përfundimisht seancën e saj të fundit stërvitore të premten, duke parë se si disa lojtarë rikthehen pas dëmtimeve.
Një nga ngjarjet kryesore ishte rikthimi i Lamine Yamal, i cili kishte munguar në stërvitjen e një dite më parë, por në këtë seancë u stërvit normalisht me ekipin. Trajneri Flick ka në dispozicion të gjithë futbollistët, përveç dy të dëmtuarve rëndë, Christensen dhe Gavi. Ronald Araujo po ashtu është rikthyer pas një pushimi që kishte marrë me lejen e klubit.
Skuadra e Barcelona është forcuar edhe me praninë e disa lojtarëve nga Barcelona B, si Jofre, Dro dhe Tommy Marqués. Eric Garcia, për shkak të një lëndimi, vazhdon të stërvitet me maskë, ndërsa Dani Olmo ka punuar normalisht, duke rritur shpresat për pjesëmarrjen e tij në ndeshjen e së dielës.
Pas një periudhe pushimi për festat e fundvitit, Barcelona ka realizuar pesë seanca stërvitore dhe ka rikthyer në fushë lojtarë që ishin në dyshim. Kjo përfshin Pedri dhe Kounde, dhe veçanërisht Dani Olmo, i cili pritet të sqarojë situatën e tij në orët në vijim.
Ndeshja me Espanyol përbën një mundësi të rëndësishme për Barcelonën për të nisur vitin në mënyrën më të mirë të mundshme dhe për të konsoliduar pozitat e saj në kampionat. Me rikthimet e lojtarëve dhe përgatitjen e plotë, ekipi shpreson për një start të suksesshëm në sfidat e reja që sjell ky vit.
