Një përballje rreth katër orëshe zhvilloi dëshmitari Taulant Balla, si kallëzues për privatizimin e sport klub Partizanit, duke iu përgjigjur pyetjeve të të pandehurve dhe avokatëve të tyre. Në seancë, gazetarja Anila Hoxha raporton se Balla rrëfeu se kishte kryer një investigim të gjatë si qytetar, politikan dhe deputet, duke mbledhur dokumente që sipas tij provojnë se privatizimi u krye brenda 6 muajsh. Ai deklaroi se diçka e tillë nuk kishte ndodhur me qytetarët e tjerë dhe, i pyetur nga të akuzuarit, i tha Malltezit se gjatë kohës kur e përfitoi pronën vjehrri i tij ishte kryeministër.
Pas dëshmisë, Balla tha: “Ua kam thënë që kur kam ardhur që, fakti që në bankën e të akuzuarve ka persona të cilët këto 35 vite kanë qeverisur vendin dhe akuzohen për korrupsion, fshehje të pasurisë, është lajm i mirë për të gjithë shqiptarët. Un uroj që procesi të jetë i drejtë dhe përgjegjësia penale të shkojë te të gjithë personat që i kanë këto përgjegjësi.” Ai shfrytëzoi ditën e dëshmisë për të shpalosur edhe një kallëzim tjetër që synon: dosjen e 21 janarit, duke thënë se shpreson të jetë dëshmitar edhe në atë çështje, pasi ka qenë në protestën e 21 janarit.
Jamarbër Malltezi komentoi: “Ka dhënë një premtim solemn në Kuvendin e Shqipërisë që nuk e tret dheu pa futur Berishën në burg, këtë e ka thënë para të gjitha shqiptarëve dhe kamerave. Qartazi i kishte dhënë 10 detyra prokurorëve politik që t’i ndiqnin.” Balla shpjegoi gjithashtu: “Thashë për tretjen e dheut ta dhashë përgjigjen për ngjarjet që lidhen me 21 janarit. Fakti që nga kërkesa ime shkroi nga shpërdorim detyre në korrupsion, jam shumë i kënaqur.”
Të akuzuarit kundërshtuan dëshminë. Xhim Begeja tha se Balla “sot ngeli në klasë” pasi nuk dinte pse ai ishte i akuzuar. Malltezi akuzoi se procesi ishte “i stisur politik” dhe se ishte shkelur ligji i mbrojtjes së të dhënave personale. Avokati Genc Gjokutaj tha se akuzimi lidhet me përfshirjen e zotit Rama dhe se Balla rezulton i “më merakli për pronën publike”. Pasi të mbarojnë dëshmitarët e SPAK, do të vijojë dëgjimi i dëshmitarëve të mbrojtjes, ku është kërkuar si dëshmitar edhe kryeministri Edi Rama.
