Një automjet është djegur plotësisht gjatë natës në lagjen nr. 4 të Sarandës, ndërsa policia ka nisur hetimet për zbardhjen e ngjarjes. Automjeti i përkiste shtetasit Aljon Pasho, 38 vjeç, i cili ka precedentë penalë të mëparshëm. Pasho ka qenë i dënuar më parë me 4 vite e 5 muaj burg për vepra penale që lidhen me marrëdhënie seksuale me të mitur dhe përndjekje.
Forcat e rendit po punojnë për të identifikuar dhe kapur autorët e dyshuar, si dhe për të sqaruar rrethanat e djegies së automjetit, për të përcaktuar nëse bëhet fjalë për zjarrvënie të qëllimshme. Hetimet vijojnë dhe materialet i janë referuar organeve kompetente për veprime të mëtejshme.
