Në prag të ndeshjes kthyese të Ligës së Kampioneve midis Arsenalit e Atletico Madridit në Emirates, pas barazimit 1-1 në ndeshjen e parë, trajneri i Atletico, Diego Pablo Simeone, shprehu besimin në kualifikimin e skuadrës së tij për në finalen e Budapestit. Ai theksoi se, pavarësisht mendimeve e pritshmërive, loja vendoset nga futbollistët dhe se menaxhimi i emocioneve është i domosdoshëm për të dhënë një paraqitje të mirë. Përvojë dhe koha, sipas tij, sjellin qetësi për të përballuar një ndeshje të tillë, jo lehtësi, por paqe për të menaxhuar situatat gjatë takimit.
Simeone tha se synon që ekipi i tij të përsëritë atë pjesë të dytë të sfidës së mëparshme, duke pranuar se realizimi i saj nuk është i thjeshtë. Ai shtoi se trajnerët dhe lojtarët duan që ndeshja të nisë dhe se ai që do të bëjë më mirë në fushë do të fitojë, ndërsa Atletico do të përpiqet të shfaqë virtytet e veta përballë atyre të Arsenalit. Përpyetjet rreth arbitrimit i përgjigji shkurt: “Jo.”
Në lidhje me rëndësinë e ndeshjes, Simeone deklaroi se skuadra do të përpiqet të luajë me intensitet dhe të kuptojë kërkesat e sfidës, duke ruajtur besimin në punën që bëjnë, por duke pranuar se rezultati nuk varet vetëm nga ata. Fokusimi i tij kryesor është bindja në planin e zgjedhur dhe transmetimi i tij te lojtarët deri në fund.
Ai dha informacion mbi gjendjen fizike të disa lojtarëve: Sorloth, Julian dhe Giuliano lëvizën pak dhe janë më mirë; vendimet për fillimin e ndeshjes do të merren në stërvitjen e mëngjesit. Julian Alvarez, sipas Simeones, njeh mirë kampionatin anglez dhe pati një paraqitje të mirë javën e kaluar, ndaj pritet të përgjigjet sipas kërkesave të ndeshjes. Për Sorloth, trajneri theksoi rolin e tij të rëndësishëm dhe nevojën për atë, pavarësisht se ai nuk mundi të luante në ndeshjen e parë për shkak të ngarkesës muskulare; mund të jetë i nevojshëm prej 10 deri në 90 minuta. Simeone përmendi gjithashtu ndryshimin e hotelit, duke thënë se tani janë më mirë dhe se hoteli i mëparshëm ishte më i lirë. Përgatitjet për ndeshjen, sipas tij, janë të qarta dhe do të përqendrohen në transmetimin sa më të mirë të idesë te lojtarët.
