Në prag të ndeshjes së fundit të Shqipërisë në këtë fazë të Ligës së Kombeve kundër Bjellorusisë, mesfushori Kristjan Asllani doli në konferencë për shtyp nga Budapesti dhe bëri bilancin e përgatitjeve dhe objektivat e skuadrës. Kuqezinjtë synojnë të mbyllin me sukses edicionin dhe të sigurojnë vendin e parë në grup, ndërsa përballë do të kenë një kundërshtar që synon të vështirësojë misionin e trajnerit Rolando Maran.
Asllani njoftoi se gjendja fizike e ekipit është shumë e mirë; ekipi zhvilloi seancën e fundit stërvitore në mëngjes dhe më pas fokusoi analizën e kundërshtarit. Ai theksoi gatishmërinë e skuadrës, nevojën për të qenë të përqendruar dhe synimin e qartë për të marrë tri pikët. Sipas tij, lojtarët do të hyjnë në fushë me karakter dhe forcë fizike, duke theksuar se ndeshja në Tiranë ishte e vështirë, por skuadra njeh detyrat dhe dëshiron fitoren.
Për fitoren ndaj Finlandës, Asllani thekoi se kur vesh fanellën kombëtare duhet të japësh më shumë se 100%, duke vlerësuar paraqitjen e mirë të ekipit përpara tifozëve. Megjithatë, vëmendja mbetet plotësisht te përballja me Bjellorusinë, dhe skuadra duhet të refokusojë energjitë për këtë sfidë të menjëhershme.
Sa i përket mungesave, Asllani deklaroi se këto nuk janë problem për ekipin. Ai përmendi se Ramadanit i erdhi kartoni dhe do të mungojë, por të gjithë të tjerët janë të gatshëm. Themi se kombëtarja luhet për të gjithë shqiptarët dhe jo për individët, sipas mesfushorit.
Për mundësinë e realizimit personal, Asllani pranoj se nuk është sulmues, megjithatë ka dëshirë për të shënuar; theksi i tij mbetet te sigurimi i tre pikëve dhe largimi me fitore nga ky përballje që do të luhet në kryeqytetin hungarez.
