Nga operacioni i nisur një ditë më parë ku u zhvilluan kontrolle në Tiranë, Lezhë, Vlorë, Durrës Shkodër, me qëllim kapjen e të personazheve të botës së krimit, ku u lëshuar më shumë se 43 urdhër arreste është vënë në pranga edhe Naim Stafuka.
Sipas informacioneve Stafuka është arrestuar mbrëmjen e djeshme. Naim Stafuka nuk është emër i panjohur për policinë. Ai është vëllai i Enver Stafukës, i cili prej vitesh rezulton i zhdukur.
Një nga ngjarjet që tronditi zonën e Fshatit Zezë në Fushë-Krujë, është ajo e vrasjes së 50-vjeçares Shpresa Basha, e cila ishte halla e një eksponenti të botës së krimit, Mariglen Haka.
Për këtë ngjarje SPAK, thotë se ka zbuluar rolin e Durim Bamit në sigurimin e mjeteve për të kryer vrasjen, ndërkohë persona të tjerë kanë marrë pjesë në finalizimin e atentatit kundër Mariglen Hakës, por në fakt fatkeqësisht në këtë ngjarje të rëndë mbeti e vrarë një njeri i pafajshëm, siç ishte Shpresa Basha.
Deri në këtë fazë të hetimit është zbuluar Durim Bami si njeriu që ka siguruar kushtet për të vrarë Mariglen Hakën, por ende nuk dihen personat që kanë marrë pjesë në këtë vrasje. Dyshimet janë se në këtë ngjarje të rëndë, kanë marrë pjesë disa persona mes të cilëve dhe Gentjan Bejtja dhe Enver Stafuka.
Dy vite pas kësaj ngjarje në 8 qershor 2022 Mariglen Haka i shpëtoi një atentati të dytë në zonën e Niklës. Autori po udhëtonte në këmbë ndërsa Mariglen Haka ishte në makinë. Plumbi e ka prekur në fytyrë por nuk ka mundur ti marë jetën. Tentativa për të vrarë në 2019 Mariglen Hakën ka ndodhur në fshatin Zezë të Fushë Krujës.
