Policia e Vlorës njofton se ka lokalizuar dhe vënë në pranga një të kërkuar nga autoritetet e drejtësisë Spanjolle, pjesëtar i një grupi kriminal në fushën e kultivimit dhe prodhimit të kanabisit.
Arrestimi i 33-vjeçarit, Denis Haskaj (Hoxhaj, Jazaj) u bë pasi Gjykata e Castellon Spanjë, ka caktuar masën e sigurisë “Arrest me burg”, për veprat penale “Trafik droge”, “Organizatë kriminale” dhe “Vjedhje e energjisë elektrike”.
Shiqtari në bashkëpunim me shtetas të tjerë shqiptarë e spanjollë, merrnin shtëpi me qera në zonën e Castellonit dhe i përshtasnin për të kultivuar bimë narkotike me anë të llambave.
Pas arrestimit, autoritetet pritet të kryejnë të gjithë procedurat e nevojshme për ekstradimin e tij nga Shqipëria në drejtim të Spanjës.
