Drejtori i Policisë së Shtetit, Muhamet Rrumbullaku bëri sot me dije se në vendin tonë do të ekstradohet edhe Fabio Ballabani, një person i shumëkërkuar nga drejtësia shqiptare.
“Mund t’ju konfirmoj edhe vendimin për Fabio Ballabanin, pjesë e një grupi të strukturuar kriminal. Aktualisht vuan dënimin në një vend partner”, tha Rrumbullaku.
Fabio Ballabani është shpallur në kërkim nga Prokuroria e Posaçme kundër Korrupsionit dhe Krimit të Organizuar për ngjarjen e ndodhur në vitin 2019, ku bashkëshorti i gjyqtares Saida Dollanit, Kristaq Prifti, u kërcënua dhe dhunua brutalisht. Me urdhër të Emiljano Shullazit, Fabio Ballabanin alias Fabio Zyberaj alias Ivi Zyberaj, kërcënoi dhe rrahu Priftin.
