Drejtoria e Burgjeve ka sqaruar vendosjen në IEVP Pojskë të një të dënuareje 34-vjeçare me inicialet D. S., e cila po vuante dënimin prej dy muajsh, së bashku me foshnjën e saj 11-muajshe. Autoritetet theksuan se veprimi është në përputhje me legjislacionin në fuqi që siguron mbrojtjen e të drejtave të nënave të privuara nga liria dhe interesin më të mirë të fëmijës. Gjatë procedurave të pranimit, shtetasja D. S. ushtroi të drejtën e parashikuar në Ligjin nr. 81/2020 “Për të Drejtat dhe Trajtimin e të Dënuarve me Burgim dhe të Paraburgosurve” dhe në Rregulloren e Përgjithshme të Burgjeve për të mbajtur pranë saj fëmijën nën moshën tre vjeç. Pas përfundimit të procedurave ligjore dhe administrimit të dokumentacionit përkatës, foshnja u vendos në ambientet e posaçme të institucionit, jashtë regjimit të brendshëm, të përshtatura për qëndrimin e nënave me fëmijët e tyre. Për dy jetimët, institucioni hartoi një plan individualizuar përkujdesjeje që përfshin masat e sigurisë, kujdesin shëndetësor, furnizimin me ushqim sipas nevojave, si dhe mbështetjen psikologjike dhe sociale. Zbatimi i këtij plani monitorohet nga stafi multidisiplinar i institucionit me synimin e garantimit të mirëqenies së nënës dhe fëmijës dhe të respektimit të të drejtave të tyre, në përputhje me legjislacionin dhe standardet në fuqi.
Arrestimi dhe dërgimi në burg i 34-vjeçares me foshnjën, reagon Drejtoria e Burgjeve: Kemi hartuar plan individualizuar përkujdesjeje
