Ish-presidenti i Francës, Nicolas Sarkozy, pritet të paraqitet më 21 tetor në burgun La Santé në Paris për të filluar një dënim prej pesë vitesh, pas një vendimi që e shpalli atë fajtor për komplot kriminal lidhur me marrjen e fondeve zgjedhore nga regjimi i Muamar Gadafit. Dënimi e bën Sarkozy-n udhëheqësin e parë francez pas luftës që do të vuajë në të vërtetë dënimin në burg.
Megjithëse ai ka apeluar vendimin, natyra e këtij dënimi kërkon që ai të nisi vuajtjen e tij ndërkohë që procesi i apelimit është ende në pritje, i cili parashikohet të nisë pas gjashtë muajsh. Sarkozy, i cili është 70 vjeç, ka mohuar të gjitha akuzat, duke insistuar se nuk ka qenë pjesë e ndonjë skeme kriminale.
Mediat franceze raportojnë se, një javë para hyrjes në burg, Sarkozy organizoi një “festë lamtumire” për rreth 100 miq dhe bashkëpunëtorë në Paris. Ai shprehu: “Nuk do të kërkoj asnjë avantazh. Kur ke një kryq për të mbajtur, duhet ta mbash deri në fund.”
Në burg, ai do të qëndrojë në një qeli individuale dhe do të ketë të drejtë për një orë ushtrimi në ditë dhe tri vizita në javë. Ky nuk është dënimi i parë me burg për Sarkozy-n, pasi ai ka qenë gjithashtu i dënuar më parë për korrupsion. Sarkozy shërbeu si president i vendit nga viti 2007 deri në vitin 2012.
