Algjeria dhe Bregu i Fildishtë janë kualifikuar për në çerekfinalet e Kupës së Afrikës pas fitoreve në 1/8 e finales. Algjeria, e drejtuar nga Vladimir Petkovic, eliminoi Republikën Demokratike të Kongos me rezultatin 1-0, një fitore të cilën e arriti në minutën e 119, vetëm pak para se ndeshja të shkonte në penallti. Goli vendimtar u shënua nga Boulbina. Në çerekfinale, Algjeria do të përballet me Nigerinë, por do të duhet të përballojë këtë sfidë pa lojtarin e saj, Bennacer, i cili u dëmtua.
Nga ana tjetër, Bregu i Fildishtë e ka siguruar vendin e tij mes të tetëve më të mirave në kontinent me një fitore të qartë 3-0 ndaj Burkina Faso. Ndeshja u zhbllokua në minutën e 20 nga Amad Diallo, ndërsa Diomande dyfishoi rezultatin vetëm 12 minuta më vonë. Në minutat e fundit, Toure vulosi fitoren me golin e tretë, duke i garantuar Bregut të Fildishtë kalimin në çerekfinale.
Bregu i Fildishtë do të përballet me Egjiptin, ekipi i njohur me yllin e tij, Mohamed Salah, në një ndeshje që do të zhvillohet të shtunën. Këto ndeshje premtojnë emocione të mëdha dhe sfida të forta në rrugën drejt titullit të kampionit të Afrikës.
