Gazetari dhe moderatori Bledi Strakosha ka fituar gjyqin në shkallën e parë me RTSH, pasi ai u shkarkua më dhjetor të 2023, nga ish-drejtori tashmë, Alfred Peza.
Përmes një postimi në rrjete sociale, Strakosha shkruan se vendimi i gjykatës përfaqëson një hap të rëndësishëm, siç shkruan gazetari “drejt zgjidhjes së padrejtësisë që kam përjetuar dhe përpjekjes për të vërtetën dhe drejtësinë”.
Sipas vendimit të gjykatës, gazetari do të marrë dëmshpërblim disa paga për largimin nga puna një vit më parë
Gazetari Bledi Strakosha, punonte prej 8 vitesh në Radio Televizionin Shqiptar, ndërsa u shkarkua nga Alfred Peza, i cili dha dorëheqjen më 6 shtator të këtij viti.
Postimi i Strakoshës:
Dua të shpreh mirënjohjen time të sinqertë për vendimin e marrë ditën e sotme nga Gjykata e Shkallës së I-rë të Juridiksionit të Përgjithshëm, Tiranë, për çështjen time me RTSH-në. Ky vendim përfaqëson një hap të rëndësishëm drejt zgjidhjes së padrejtësisë që kam përjetuar dhe përpjekjes për të vërtetën dhe drejtësinë.
Ndërhyrja e gjykatës dhe vlerësimi objektiv i çështjes sime më jep shpresë për të ardhmen dhe më jep besim se drejtësia, në fund, do të triumfojë. Jam thellësisht mirënjohës për drejtesinë dhe për trajtimin e kësaj çështjeje si dhe për dhënien e së drejtës që e kam kërkuar prej kohësh. Shumë falenderues edhe ndaj avokatit tim Gedeon Dudushi data:image/gif;base64,R0lGODlhAQABAAAAACH5BAEKAAEALAAAAAABAAEAAAICTAEAOw==
