Gjykata e Fierit vendosi vijimin e masës së sigurisë “arrest në burg” për ish-drejtorët e ASHK-së Fier, Bardhyl Kapaj dhe Ertis Shehu, si dhe për specialistin Pirro Çela. Në listën e personave për të cilët vazhdon masa “arrest në burg” përfshihen dy ish-drejtorët e Kadastrës Fier, Ertis Shehu dhe Bardh Kapaj.
Për personin nën hetim Kastriot Hasko, gjykata urdhëroi zëvendësimin e masës së sigurimit nga “arrest në burg” në “arrest në shtëpi”. Sipas vendimit, Hasko duhet të qëndrojë në banesën e tij dhe të mos ketë kontakte me persona të tjerë, përveç pjesëtarëve të familjes. Gjykata ka urdhëruar lirimin e menjëhershëm të tij dhe ngarkoi Policinë Gjyqësore me ekzekutimin e vendimit, ndërsa Prokuroria dhe Policia Gjyqësore janë ngarkuar të mbikëqyrin dhe kontrollojnë zbatimin e masës “arrest në shtëpi”.
Personat e përmendur akuzohen për përvetësimin e 1,143 hektarëve tokë përmes dokumenteve të falsifikuara në qarkun e Fierit.
Në vendim përmenden saktësisht masat e sigurimit personal: vazhdimi i “arrestit në burg” për personat nën hetim E.S., P.Ç. dhe B.K., sipas nenit 238 të Kodit të Procedurës Penale; dhe zëvendësimi i “arrestit në burg” me “arrest në shtëpi” për personin nën hetim K.H., sipas nenit 237 të Kodi të Procedurës Penale. Urdhërohet që i pandehuri K.H. të mos largohet nga adresa e banimit dhe të mos ketë kontakte me persona të tjerë përveç pjesëtarëve të familjes. Gjykata thekson se K.H. duhet të lirohet menjëherë, nëse nuk mbahet apo nuk duhet të mbahet për efekt të ndonjë mase tjetër sigurimi apo vendimi dënimi.
Policia Gjyqësore është ngarkuar me ekzekutimin e vendimit dhe Prokuroria së bashku me Policinë Gjyqësore do të mbikëqyrin zbatimin e masës “arrest në shtëpi”. Kundër këtij vendimi mund të bëhet ankim në Gjykatën e Apelit të Juridiksionit të Përgjithshëm Tiranë brenda pesë ditësh, nga e nesërmja e njoftimit të vendimit.
Top Channel
