TIRANË– Ambasadori i BE-së në Tiranë, Silvio Gonzato së fundmi ka komentuar situatën në Kuvend dhe aksionin opozitar. Gjatë fjalës së tij Gonzato tha se vendi është në procesin e hapjes së grupit të kapitullit të parë për negociatat për integrimin në BE ndërsa shtoi se është edhe grup kapitulli më i rëndësishëm.
Ai shtoi se është shumë e rëndësishme në këtë kontekst që Kuvendi i Shqipërisë të funksionojë ashtu siç duhet. Gonzato shtoi se në Kuvend si mazhoranca dhe opozita luajnë rolin e tyre përkatës.
“E kam dhënë një koment të shkurtër një ditë më pas në parlament. Më lejoni të them se ne jemi në procesin e hapjes të grup kapitullit të parë për negociatat për integrimin në BE, që ndoshta është edhe grup kapitulli më i rëndësishëm dhe për këtë arsye është grup kapitulli i parë që hapet , por edhe i fundit që mbyllet. Që do të thotë se është shumë e rëndësishme në këtë kontekst që Kuvendi i Shqipërisë të funksionojë ashtu siç duhet. Një kuvend si mazhoranca dhe opozita luajnë rolin e tyre përkatës,”
Sa i takon arrestimit të deputetit Salianji, ai nuk pati një koment pasi Gonzato theksoi se ai nuk komenton procedimet penale.
“Unë nuk bëj asnjëherë komente për proçedime penale, me vjen keq”, tha ai.
