Mbrëmjen e djeshme rreth orës 23:50 një makinë kishte marrë flakë në Fushë-Prezë dhe është parë nga shërbimi i qarkullimit rrugor. Para makinës qëndronte një automjet betoniere.
Nga hetimet rezultoi se makina drejtohej nga E.L., 25 vjeç dhe dyshohet se është përplasur me betonieren e drejtuar nga A.K., 24 vjeç, i cili pas aksidentit është larguar nga vendngjarja.
Si pasojë e përplasjes makina ka marrë flakë dhe kanë ndërruar jetë shoferi E.L., 25 vjeç dhe pasagjerët E.L., 20 vjeç, E.K., 24 vjeç dhe A.L., 22 vjeç.
Policia shoqëroi në komisariat drejtuesin e betonieres A.K., 24 vjeç dhe po vijon punën për zbardhjen e plotë të ngjarjes.
