Autoritetet e Groenlandës njoftuan se trupi i një shtetasi italian, humbur pas një aksidenti ajror më 25 tetor, është gjetur pranë kryeqytetit Nuuk. Aksidenti ka ndodhur në bregun perëndimor të ishullit, dhe përveç trupit, janë zbuluar edhe pjesët e aeroplanit me të cilin italiani u nis nga Kanadaja.
Lajmi u konfirmua nga ministria italiane e Punëve të Jashtme, “Farnesina”, e cila theksoi se Ambasada e Italisë në Kopenhagen ka qenë aktivisht e angazhuar në ndjekjen e rastit në bashkëpunim me konsullin e nderit. Zyrtarët e misionit diplomatik kanë mbajtur lidhje të vazhdueshme me familjen e viktimës, duke ofruar mbështetje të nevojshme gjatë kësaj periudhe të vështirë.
Ky incident është një tragjedi që ka prekur shumë, dhe autoritetet vazhdojnë të hetojnë rrethanat e aksidentit.
