Një aksident ka ndodhur mëngjesin e së martës në aksin rrugor Sallmone – Shijak.
Drejtuesi i automjetit ka humbur kontrollin dhe për pasojë është përplasur me një motomjet duke plagosur drejtuesin e saj.
Shtetasi me iniciale I.F dërgohet në spital, jashtë rrezikut për jetën.
Njoftimi i plotë i policisë Durrës:
Rreth orës 09;55, në aksin rrugor Sallmone Shijak, një automjet me drejtues shtetasin G. M., ka përplasur një motomjet me drejtues shtetasin I. F.
Si pasojë e përplasjes është dëmtuar drejtuesi i motomjetit shtetasi I. F., i cili ndodhet nën kujdesin e mjekëve, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të aksidentit.
