Një aksident rrugor është regjistruar mbrëmjen e sotme në bypass-in e Fierit, pranë fshatit Mbrostar. Sipas informacioneve paraprake, një furgon është goditur nga pas nga një automjet tjetër, të dyja mjetet duke lëvizur në të njëjtin drejtim.
Përplasja ka shkaktuar dëme materiale, por fatmirësisht nuk ka raportime për persona të lënduar rëndë. Shërbimet e Policisë kanë mbërritur menjëherë në vendin e ngjarjes për të ndihmuar në menaxhimin e situatës. Njëri prej drejtuesve të mjeteve është shoqëruar për verifikime të mëtejshme, ndërsa autoritetet po zhvillojnë hetim për zbardhjen e shkaqeve dhe rrethanave të aksidentit.
