Ajaxi po planifikon një lëvizje të madhe në pankinë, duke e vendosur trajnerin e Manchester City-t, Pep Guardiola, në krye të listës së dëshirave. Sipas mediave holandeze, Jordi Cruyff po e mbështet fort këtë ide dhe ka në plan të kontaktojë me Guardiolën, ndihmuar edhe nga lidhja e ngushtë që ekziston mes familjes Cruyff dhe tij.
Guardiola ka pranuar ndikimin e madh të Johan Cruyff në karrierën e tij, duke i dhënë kësaj ideje një dimension të veçantë për tifozët e Ajaxit, që do ta konsideronin këtë një “ëndërr të realizuar.” Megjithatë, realizimi i këtij operacioni është i vështirë, pasi Guardiola ka një kontratë me Manchester City-n deri në verën e vitit 2027 dhe është një nga trajnerët më të kërkuar globalisht.
Për më tepër, shumë klube të tjera prestigjioze janë të gatshme të ofrojnë kushte financiare më të larta se ato që Ajaxi mund të përballojë, duke e bërë situatën edhe më sfidues. Pavarësisht kësaj, ideja për një bashkëpunim mes Ajax-it dhe Guardiolës mbetet në tryezë, dhe drejtuesit e klubit po shqyrtojnë çdo mundësi për të realizuar një nga transferimet më të mëdha në historinë e tyre.
