Presidenti i SHBA-së, Donald Trump, ka mohuar raportimet që thonin se bisedimet midis Shteteve të Bashkuara dhe Iranit ishin ndërprerë, duke i përshkruar ato si “të pavërteta dhe të pabazuara”. Përmes një postimi në rrjetin social Truth Social, ai deklaroi se kontaktet dhe negociatat mes palëve kanë vijuar pa ndërprerje gjatë ditëve të fundit.
Trump tha se nuk mund të parashikojë rezultatin përfundimtar të negociatave, por përsëriti thirrjen e tij që Teherani të arrijë një marrëveshje sa më shpejt, duke shkruar se “Nuk e di kurrë se ku do të çojnë këto bisedime, por siç i kam thënë Iranit, është koha që në një mënyrë ose në një tjetër të arrihet një marrëveshje”. Ai theksoi se çështja nuk mund të mbetet e pazgjidhur pafundësisht dhe vuri në dukje se tensionet dhe mosmarrëveshjet mes dy vendeve kanë vazhduar për dekada.
Deklarata e presidentit vjen në një moment kur vëmendja ndërkombëtare mbetet e fokusuar te marrëdhëniet SHBA-Iran dhe mundësia e arritjes së një marrëveshjeje që do të ulte tensionet mes dy vendeve. Trump ka sulmuar raportet që pretendojnë ndërprerje të bisedimeve, duke i cilësuar të pasakta, dhe ka insisitruar se komunikimi diplomatik mes dy palëve është vazhduar pa ndërprerje në ditët e fundit.
Në fjalën e tij publike ai edhe njëherë nënvizoi nevojën për një zgjidhje dhe i bëri thirrje Iranit të finalizojë një marrëveshje, duke përsëritur qëndrimin se procesi negociues nuk duhet të ngecë përgjithmonë. Përmbajtja e deklaratave pasqyron përpjekjen e Shteteve të Bashkuara për të sqaruar statusin e kontakteve diplomatike dhe për të adresuar spekulimet e shpërndara në media rreth pranisë ose mungesës së bisedimeve të vazhdueshme. Top Channel