Kryetari i Partisë Demokratike, Sali Berisha, ka pranuan se nëse gjatë kohës që ai ushtronte funksionin e kryeministrit të vendit ka takuar zyrtarë të nivelit të lartë të Agjencisë Qendrore të Inteligjencës (CIA), por jo të FBI.
Megjithatë, dera e zyrës së tij do të qëndronte e hapur për McGonigal të cilin do e kishte pranuar për një kafe, por asnjëherë sipas Berishës nuk do i kishte kërkuar që të hetonte kryeministrin Edi Rama.
Sali Berisha: Secili nga ne që jemi këtu, në qoftë se 5 vite më parë do më thoshte dikush që ky është shefi i… ose do paraqitej i tillë dhe është paraqitur i tillë, i Shërbimeve, “urdhëro, mirëserdhe bujrum”
Robert Rakipllari: Ju kur keni qenë kryeministër, s’keni takuar zyrtarë të lartë të këtij niveli?
Sali Berisha: Kur kam qenë kryeministër kam takuar zyrtarë shumë të lartë të CIA-s, jo të FBI. Në dijeninë time, asnjëherë sepse nuk kanë ardhur dhe në atë periudhë…
Robert Rakipllari: Pak a shumë të njëjtit nivel janë.
Sali Berisha: Në fakt se kush është më shumë nuk them, por që nga pikëpamja numerike, më e fuqishme në SHBA është kjo. Jashtë SHBA është CIA. Ky ka qenë personi në FBI që ka patur aksesin më të madh në CIA, e sigurtë kjo.
Blendi Fevziu: Zoti Berisha, nëse dikush në vitin 2017 do t’ju telefononte dhe do t’ju thoshte që Charles McGOnigal, shef i kundërzbulimit të FBI për distriktin e Nju Jorkut, do të vijë të pijë një kafe se është në Tiranë, do t’i thonit jo?
Sali Berisha: Do ta ftoja me kënaqësi të pinim kafe, por kurrë nuk mund t’i imagjinoja që t’i thoja heto Edi Ramën.
