Kreu i Partisë së Lirisë Ilir Meta ka reaguar në lidhje me tensionet në veri të Kosovës dhe dhunimin e trupave të KFOR-it nga huliganët serbë në Veri.
Përmes një postimi në rrjete sociale Meta dënon me forcë dhunën e ushtruar ndaj trupave të NATO-s, gazetarëve por dhe institucioneve të Kosovës.
Ai i bën thirrje gjithashtu presidentit serb që të largojë ushtrinë nga kufiri i Kosovës.
Dënojmë me forcë sulmet e paprovokuara dhe tërësisht të pajustifikuara ndaj forcave të KFOR-it, ndaj gazetarëve dhe institucioneve.
As KFOR dhe as Policia e Kosovës nuk kanë sulmuar asnjë qytetar të asnjë etnie.
Në interesin më të mirë të qytetarëve, palët duhet të tregojnë vetëpërmbajtje, që do të ç’tensiononte situatën e konfliktit, e cila, më së shumti duket të jetë e nxitur nga synimet e aktorëve të tretë, që duan të ketë jo paqe të qëndrueshme, por konflikt të vazhdueshëm dhe destabilitet.
Vuçiçi duhet ta largojë ushtrinë nga kufiri i Kosovës. Dialogu i ndërmjetësuar nga BE-ja duhet të mos cënohet në suksesin e tij.
Shqipëria do të jetë gjithmonë dhe pa kushte në krahun e Kosovës dhe në krahun e NATO-s për të garantuar paqen dhe sigurinë në rajon”, shkruan meta në reagimin e tij në facebook.
