Gropa në Colverde të Como-s, e cila pasditen e së martës u bë varri i Bardhi Brahimajt, tashmë është mbuluar. Ai gërmim ishte pjesë e një ndërhyrjeje të zakonshme urbanistike, siç ndodh në të gjitha bashkitë.
Dhe pikërisht për këtë arsye duket edhe më absurde që në një fraksion sekonde, ajo u kthye në një kurth vdekjeje për punëtorin shqiptar 40-vjeçar, i cili jetonte i vetëm në Lurate Caccivio.
“Është e zakonshme që një kompani të bëjë gërmime të tilla përgjatë rrugëve, por nuk është e zakonshme që këto ndërhyrje të sjellin viktima”, komentuan sindikatat që ndërhynë në kantierin e Colverde menjëherë pas tragjedisë.
Bardhi Brahimaj ishte jashtë dhe hyri në gropë për ta marrë. Por papritur muret u shembën, duke e varrosur dhe duke e vrarë shqiptarin në çast. Dy punëtorë dhe një kalimtar e kuptuan se çfarë po ndodhte dhe u përpoqën ta paralajmëronin, por ishte tepër vonë. Shqiptari kishte humbur jetën.
