Skandalet në bashkinë e Librazhdit nuk kanë fund. Duket se strumbullari i gjithë këtyre skandaleve buron direkt nga kryetari i kësaj bashkie Kastriot Gurra.
Jo në pak raste Gurra është kapur në shkelje të rënda në tendera të ndryshëm, tendera të paracaktuar me mungesë të theksuar konkurrence. Skandali i radhës buron direkt nga Gurra pasi ky i fundit qarkullon nëpër qytet me një fuoristradë me targa false.
Dhe pas një hulumtimi të shpejtë në sistemin e targave, kjo targë nuk rezulton aktive.
Kjo targë rezulton të jetë e një automjeti tjetër të çregjistruar fare nga sistemi dhe që targat i ka deklaruar të humbura. Por skandali i bashkiakut nuk përfundon këtu. Ky i fundit, që s’dihet se për çfarë tjetër e përdor këtë makinë me targa false, krejt papritur i ndërron targat këtij automjeti duke i vendosur po prapë targa Tirane me numra të tjerë.
Në foton e dytë mjeti shihet i parkuar keqas nga Gurra në qytetin e Librazhdit, dhe të vendosura ka targa të tjera, TR 1666 K. Sërish sistemi i targave nuk zhgënjen nuhatjen e gazetarëve tanë që verifikojnë edhe targat e tjera që rezultojnë sërish false.
Edhe targa e dytë del e regjistruar në një mjet tjetër dhe e çregjistruar nga sistemi, por që targat e saj i mban makina e kryetari të bashkisë Librazhd, Kastriot Gurra.
Një kryetar bashkie që lëviz me një mjet me targa false që i ndërron si mbreti gratë, lë hapësirë për aludime nga më të ndryshmet pasi targat false vendosen shpesh në Shqipëri nga njerëzit e krimit që i përdorin këto mjete në vrasje apo ekzekutime të ndryshme.
Sigurisht që prokuroria e posaçme duhet të nisë një hetim të gjerë për këtë rast pasi shumë aludime ngrihen nga ky skandal.
