Mbretëresha Elizabeth II nuk është në gjendje të mirë shëndetësore dhe këtë e ka konfirmuar pasditen e kësaj të enjteje vetë Pallati Mbretëror. Po ashtu, mediat britanike dhe transmetuesi kombëtar BBC ka ndërprerë transmetimin e programacionit të rregullt.
Ky është një kod që paralajmëron lajme jo të mira për Mbretëreshën, ndërsa të gjithë spikerët e lajmeve vishen me të zeza (tashmë ka ndodhur) dhe programacioni i rregullt ndërpritet.
Në videon e mëposhtme, shihet momenti kur transmetimi i një programi të rregull është ndërprerë pa paralajmërim, sapo në redaksitë e BBC ka mbërritur njoftimi i Pallatit Mbretëror se Elisabeth II ishte nën kujdesin e mjekëve në Kështjellën Balmoral.
BBC One pezulloi sot të gjitha programet e rregullta deri në orën 18:00 për shkak të lajmeve mbi gjendjen shëndetësore të mbretëreshës Elizabeth II.
Sipas medieve anëtarët e familjes mbretërore: Princi Charles dhe Camilla, Princi Andrew, Duka i Jorkut, Princi Harry, Meghan, Duka dhe Dukesha e Sussex, Princi Eduard dhe Princesha Anne, janë mbledhur në kalanë Balmoral në Skoci për të qenë pranë mbretëreshës, e cila thuhet se ndodhet në gjendje të rëndë shëndetësore.
