Mediat serbe shkruajnë sot për vdekjen e Svetozar Marjanoviç, të gjeneralit që firmosi për kapitullimin e ushtrisë së Federatës Jugosllave dhe tërheqjen nga Kosova.
Ai vdiq në moshën 77-vjeccare, shkruan Nova.rs. Marjanoviç ka ndërruar jetë të shtunën për shkak të problemeve me zemrën. Dokumenti i nënshkruar më 9 qershor 1999, ndër të tjera përfshinte tërheqjen e ushtrisë dhe policisë nga Kosova dhe një ditë më vonë Këshilli i Sigurimit i OKB-së miratoi Rezolutën 1244.
Nënshkrues të dokumentit për bashkëpunimin ushtarako-teknik ishin, në emër të forcave ndërkombëtare të NATO-s dhe KFOR-it, gjenerali britanik Michael Jackson, dhe në emër të RF të Jugosllavisë, gjenerali i policisë Obrad Stevanoviç dhe gjeneralkoloneli i Ushtrisë Jugosllave Svetozar Marjanoviç në Kumanovë.
