Reshjet e dendura të dëborës kanë përfshirë Athinën dhe rajone të tjera të Greqisë.
Për shkak të nivelit të lartë të dëborës me dhjetëra shoferë u bllokuan në rrugë, trafiku ajror u pezullua, shkollat, kopshtet, cerdhet janë mbyllur e po ashtu edhe qendrat e vaksnimit. Edhe bizneset private janë urdhëruar të mbyllen, me përjashtim të supermarketeve , dyqaneve ushqimore, farmacive.
Gjatë të hënës në kryeqytet u pezulluan edhe shërbimet e trenave dhe autobusëve. Qytetarët janë paralajmëruar të qëndrojnë në shtëpi dhe të shmangin lëvizjet.
Stuhia, e quajtur Elpida, përfshiu shtetin fqinj, e kryesisht Athinën dhe periferitë e saj, ku pati edhe ndërprerje të energjisë elektrike. Reshjet e dendura të borës janë zakonisht të rralla në Athinë, por ky është viti i dytë radhazi që kryeqyteti grek përjeton stuhi dëbore.
Ministri i ndryshimeve klimatike dhe mbrojtjes civile të Greqisë, u kërkoi falje shoferëve të cilët me orë të tëra mbetën në bllokuar në rrugë. Edhe rajonet bregdetare u përfshinë nga stuhitë, dhe brigjet u pushtuan nga petku i bardhë .
Meteorologët bëjnë me dije se fronti i ftohtë pritet të zgjasë deri të mërkurën. Intensiteti stuhive do të dobësohet pas mesditës së së martës. Megjithatë, temperaturat parashikohet të mbeten të ulëta të martën dhe të mërkurën, derisa bora të nis të shkrijë
