Të gjitha aktivitetet gjatë vizitës së Erdogan në Shqipëri u pasqyruan drejtpërdrejt nga televizionet turke.
Përveç konferencës së përbashkët me kryeministrin Rama, vëmendja më e madhe ishte te lagjja e re në Laç dhe rihapja e xhamisë së Ethehm Beut në Tiranë.
Atv, një prej televizioneve më të mëdha në Turqi e nisi edicionin qëndror me vizitën e Erdogan në vendin tonë. Nxorrën në pah pritjen që iu bë kreut të shtetit turk nga qytetarë si në Rinas ashtu edhe në Laç.
Disa prej mediave patën si kryetitull të lajmit, festën turke në Shqipëri për të përcjellë atmosferën që pati në vendin tonë. Edhe vetë presidenca turke zgjodhi të publikonte një video të shkurtër me momentet kyce të 17 Janarit. Edhe në këtë material video, u përmend organizata e kleriut Fetullah Gylen.
Shqipëria nuk ka lejuar që organizata Feto të ndikojë në besimin dhe fenë islame duke vulosur mbylljen e disa institucioneve që operonin në këtë vend. Kështu Shqipëria tregoi se është në të njëjtën linjë me autoritetet turke në luftën kundër kësaj organizate.
Kjo ishte vizita e dytë e Erdoganit në Shqipëri si president.
