Fiks Fare denoncoi dy realitete të ndryshme në konviktet studentore: Qyteti Studenti ishte i braktisur për shkak të kushteve të këqija, ndërsa konviktet pranë Universitetit Bujqësor të Kamzës paraqisnin një panorama tjetër. Sipas emisionit, shteti kishte shpenzuar 30 milionë euro, por në konvikte nuk qëndronin studentë shqiptarë, por punëtorë dhe studentë të huaj.
Pas denoncimeve, Fiks Fare u interesua pranë Bashkisë së Tiranës. Zyrtarët thanë se drejtori i përgjithshëm Olsi Shahini u largua menjëherë nga detyra; zyrtarisht u njoftua se ishte dorëhequr. Ndërkohë, Drejtoria e Kufirit dhe Emigracionit në Policinë e Shtetit shkuci në konviktet e UBT për të verifikuar listën e punëtorëve dhe studentëve të huaj. Gazetarët tentuan t’i pyesnin për veprimet e kryera, por morën refuzim.
Një dokument tregon se grupin e udhëhoqi shefi i sektorit të Kufirit dhe Emigracionit në Tiranë dhe se u verifikua e gjithë lista me punëtorë dhe studentë të regjistruar. Nga biseda e filmuar, punonjësit thonë se janë njoftuar se “do të merresh në pyetje nga policia, nga Drejtoria e Kufirit”, dhe përmendin se njëri “ka për të mbajtur përgjegjësi” nga drejtorët. Një punonjës shpreh shqetësim pse rrinë bosh konviktet shtetërore dhe pse aty qëndrojnë të huaj; punonjësja shpjegon se të huajt pranuan se paguajnë 200 euro në muaj (5500 lekë tarifa shtetërore në muaj). Një punonjës shprehet gjithashtu: “Si mund të fusësh ti njerëz të tjerë. Se këtu mund të vijë një kriminel”.
Pas transmetimit të investigimit, administratori i kompanisë private Feniks, Florian Shehu, urdhëroi punonjësit e “Wolt” që të fusin në dhoma kutitë që mbajnë pas motorrave. Në biseda të ardhura nga roja i godinës numër 2 përshkruhet se punonjësit e Wolt u futën në dhoma dhe përmendet se do të kalojnë rreth 200 veta me motorët, duke e bërë ambientin si “stallë lopësh”.
