Benjamin Netanyahu paralajmëroi kryebashkiakun e New York City-t, Zohran Mamdani, se do t’i ekspozojë “botës të palarat e tij me Hamasin”. Në një deklaratë publike ai iu drejtua Mamdanit: “Turp për ju, zoti Mamdani. Turp për ju që mbështesni përbindëshat terroristë të Hamasit, të cilët masakruan popullin tone. Turp që nxisni trazira kundër hebrenjve të Neë York-ut. Unë po vij në OKB. Do të tregoj të vërtetën për ushtarët tanë heroikë dhe do të tregoj të vërtetën për ju”, tha kryeministri i Izraelit.
Kjo deklaratë shënon goditjen e parë publike të Netanyahut para udhëtimit të tij të planifikuar në SHBA, ku pritet të flasë në Asamblenë e Përgjithshme të OKB-së. Sipas tekstit, qëllimi i vizitës është gjithashtu të zgjidhet personalisht një përplasje e cila nisi gjatë fushatës për kryebashkiak, kur Mamdani deklaroi se do t’i kërkonte Departamentit të Policisë të arrestonte Netanyahun si kriminel lufte nëse ai do të shkelte në Nju Jork.
Mamdanit i është dhënë mundësia të përgjigjet ndaj mesazhit video të Netanyahut, dhe ai ka thënë se fjalët e kryeministrit në atë video “nuk është e vërtetë”. Në reagimin e tij Mamdani thekson se ndaj Netanyahut është lëshuar një urdhër-arresti nga Gjykata Penale Ndërkombëtare për krime të dyshuara lufte dhe krime kundër njerëzimit, dhe e akuzon atë si “arkitekti i një gjenocidi të tmerrshëm ndaj palestinezëve”. Mamdani gjithashtu përmend se “vetëm pak ditë më parë, ushtria e tij vrau një djalë 11-vjeçar në atë që konsiderohet zonë e sigurt në Gaza”.
Megjithëse Mamdani ka insistuar për muaj që ideja e arrestimit të Netanyahut duhet të zbatohet nëse ai vjen në Nju Jork, teksti njofton se ai së fundi ka pranuar se nuk ka autoritetin për ta kryer një veprim të tillë.
