Ylli i Barcelonës, 18-vjeçari Lamine Yamal, foli për karrierën, futbollin dhe objektivat me klubin në një intervistë për “Universo Valdano”. Ai preku tema të ndryshme, duke nisur nga rivaliteti me Real Madridin, ku shprehu dëshirën që të përballen edhe në Champions League, dhe kujtoi se një futbollist e kupton rëndësinë e një “El Clásico” vetëm kur e përjeton në fushë. Sipas tij, lojtarët që vijnë nga La Masia kuptojnë qe në ndeshjen e parë peshën e këtij përballjeje.
Yamal adresoi edhe çështjen e racizmit në futboll, duke treguar se është përballur me të në disa stadiume. Ai tha se po bëhen përpjekje, por kërkoi më shumë seriozitet dhe ndëshkime të rrepta për ata që kryejnë akte raciste, veçanërisht kur ato janë të dukshme për publikun e gjerë dhe fëmijët: “Një person që kryen një akt racist… duhet të dënohet në mënyrën e duhur”. Sipas tij, mënyra e ndëshkimit duhet ndryshuar sepse racizmi është e papranueshme.
Për Lionel Messin, Yamal pati fjalë lëvduese, duke vlerësuar paraqitjen e tij në Botërorin e fituar nga Argjentina. Ai tha se, edhe pse Messi konsiderohet më i miri në histori, askush nuk priste një Botëror kaq legjendar dhe për Yamalin ai ishte lojtari më i mirë i turneut.
Duke folur për Champions League, Yamal pranoi se Barcelona has vështirësi më të mëdha ndaj skuadrave më fizike si Bayern Munich dhe Paris Saint-Germain, që i bëjnë lojtarët të vrapojnë shumë dhe të qëndrojnë të përqendruar gjatë gjithë ndeshjes. Përballja me Arsenalin, sipas tij, do të ishte më taktike dhe e fokusuar te kontrolli i topit. Si favorit për trofeun në Evropë, Yamal përmendi PSG-në, por shtoi se sfida më e madhe pas fitimit të një trofeu është ta fitosh përsëri.
Ai rrëfeu gjithashtu një episod nga fillimet te Barcelona: dënohej me kombëtaren për tri javë pas një sjelljeje që e quajti “budallallëk fëmijësh”. Sergio Busquets e ndaloi dhe e këshilloi seriozisht, duke i thënë se tani që ishte te Barça duhej të sillte mirë. Ky moment i shërbeu si pikë kthese; Yamal thotë se që atëherë iu përkushtua plotësisht futbollit, duke përqendruar jetën e tij në stërvitje, ndeshje dhe pushim.
