Largimi i Ferran Torres drejt PSG-së ka shkaktuar një efekt domino te numrat e fanellave te Barcelona, me Fermín López dhe Rodri Hernández që pritet të jenë dy përfituesit kryesorë. Ferran mbante fanellën me numrin 7 te Barcelona gjatë tri sezoneve të fundit, një numër që ia kishte trashëguar më parë Ousmane Dembélés; pas largimit të tij, “7”-a ka gjetur një pronar të ri. Fermín López është zyrtarisht numri 7 i Barcelonës, një numër që ai nuk e kishte mbajtur më parë as në fazat e tij te klubet e mëparshme, si Linares Deportivo, dhe as me kombëtaren spanjolle.
Ndryshimi i Fermín ka liruar fanellën me numrin 16, që është numri i preferuar i Rodri Hernándezit. Mesfushori spanjoll e ka mbajtur “16”-n te Villarreal dhe më pas gjatë të gjitha tetë sezoneve te Manchester City. Ky është gjithashtu i vetmi numër që Rodri ka mbajtur me kombëtaren e parë të Spanjës. Me fanellën me numrin 16, Rodri ka fituar disa nga trofetë më të rëndësishëm në karrierën e tij, përfshirë katër tituj të Premier League, Champions League, Kampionatin Europian, Kupën e Botës për Klube dhe Topin e Artë.
Nëse transferimi i tij te Barcelona finalizohet dhe numrat konfirmohen, pritet që Rodri të vazhdojë të mbajë numrin që e ka shoqëruar pjesën më të madhe të karrierës së tij. Numri 16 ka një domethënie të veçantë edhe për një tjetër figurë të rëndësishme të klubit: Sergio Busquets e mbajti “16”-n për gjashtë sezone te Barcelona dhe, në një rol të ngjashëm në mesfushë, me këtë numër fitoi me Spanjën Kupën e Botës dhe Kampionatin Europian. Në këtë mënyrë, nëse Rodri zgjidh zyrtarisht “16”-n, një numër me histori të veçantë në futbollin spanjoll mund të rikthehet në qendër të vëmendjes në “Camp Nou”. Top Channel.
