Vijojnë edhe sot radhë të gjata në pikën e kalimit kufitar të Qafë Botës. Radha krijohet kryesisht për shkak të vonesave nga pala greke, ku aktualisht punohet me dy sportele, ndërkohë që pala shqiptare vijon të operojë me 4-5 sportele. Në shesh pushimin e Qafë Botës për momentin ndodhen rreth 500 mjete në pritje. Nga ana greke, numri i gjatë i mjeteve shtrihet deri në afërsi të pikës shqiptare, duke kontribuar në krijimin e bllokimeve dhe pritjeve të gjata. Nga ora 05:00 e mëngjesit të së hënës, kur nis puna në Qafë Botë, deri në këto momente vlerësohet se kanë dalë e hyrë deri në 3,000 vetë në këtë pikë kalimi kufitar. Top Channel
Fluks i madh në Qafë Botë: rreth 500 automjete presin, pala greke punon me 2 sportele
