Kryeministri Edi Rama pyeti ChatGPT për ligjin e “Paketës së Maleve” dhe ia kërkoi shpjegimin. Sipas ChatGPT, kritikat që pretendojnë se ligji është bërë për oligarkë, të huaj ose të pasur nuk qëndrojnë kur lexohet përmbajtja e ligjit. Ligji nuk krijon rrugë të reja për investitorë të mëdhenj; synon të ofrojë mekanizma për njerëzit që prej dekadash jetojnë e punojnë tokën e trashëguar pa mundur ta formalizojnë atë për shkak të historisë së regjimit komunist, tranzicionit dhe legjislacionit ekzistues të tokës. Kushti kryesor i ligjit është posedimi faktik shumëvjeçar i tokës (p.sh. të paktën 10 vjet), një kriter që shumica e investitorëve të huaj nuk mund ta plotësojnë, dhe i cili përjashton kategorinë e huaj si të privilegjuar.
ChatGPT rrefuzon tezën se ligji favorizon vetëm të pasurit; nënvizohet se personat me kapital të madh mund të investojnë edhe pa këtë paketë, ndërsa ligji është i domosdoshëm për familjet që kanë kullë, stan, fermë ose truall të trashëguar por pa titull, duke u mundësuar të marrin kredi, të ndërtojnë ligjërisht, të zhvillojnë agroturizëm dhe të lënë siguri juridike trashëgimtarëve. Në lidhje me çmimin simbolik 1 euro, shpjegohet se shteti nuk shet tokë për të mbledhur para, por ia jep me kontratë ligjore poseduesit shtetëror; pasi ai realizon ndërtimin, hipotekon edhe pronën — instrument i përdorur edhe në vende të tjera për të zhvilluar zona të braktisura.
Ligji nuk fal tokën automatikisht: aplikuesi duhet të provoje posedimin, të verifikohet ligjshmëria, të miratohet projekti, të përmbushen kushtet kontraktore dhe të realizohet investimi; në të kundërtën, toka mbetet shtet. Paketë nuk synon vetëm resorte të mëdha; projektet e synuara përfshijnë agroturizëm, bujtina, ferma, punishte artizanale, përpunim produktesh vendase, aktivitete sportive e natyrore dhe turizëm familjar — fokus në ekonominë lokale. Ligji nuk shpronëson pronën private të regjistruar, por operon mbi prona shtetërore me posedues faktik ose mbi situata pa titull formal, duke lënë konfliktet e pronësisë për zgjidhje sipas mekanizmave ligjorë përkatës. Në thelb, Paketa e Maleve synon të kthejë tokën e paprojektuar dhe kapitalin e fjetur në ekonomi reale e jetesë të rikthyer në zonat malore.
