Jurgen Klopp është shumë pranë emërimit si trajneri i kombëtares gjermane me një kontratë katërvjeçare që do ta mbështesë deri në Botërorin 2030, raporton Die Welt. Sipas gazetës, presidenti i Federatës Gjermane të Futbollit, Bernd Neuendorf, dhe presidenti i Ligës, Hans-Joachim Watzke, do të udhëtojnë në fundjavë për në New York për të finalizuar detajet e marrëveshjes me ish-trajnerin e Liverpool. Kontrata do t’i japë mundësinë Klopp që të drejtojë Die Mannschaft në Kampionatin Evropian 2028 dhe në Botërorin 2030, dhe paga e tij pritet të jetë pak më e lartë se ajo e paraardhësit Julian Nagelsmann, i cili paguhej deri në 7 milionë euro në vit; megjithatë, aspekti financiar nuk rezulton vendimtar për Klopp.
Një çështje kryesore ka qenë marrëdhënia me grupin Red Bull, ku Klopp mban pozicionin e Drejtorit Global të Futbollit me kontratë deri në 2029. Die Welt raporton se nuk është parashikuar dëmshpërblim për një zgjidhje të parakohshme të kontratës; në vend të kësaj, trajneri do të vazhdojë bashkëpunimin me Red Bull si ambasador i markës, një rol që përshkruhet si më i vlefshëm se një shpërblim i madh financiar.
Në lidhje me stafit teknik, asistenti i parë pritet të jetë Peter “Piet” Krawietz, bashkëpunëtori i ngushtë i Klopp që nga kohët e Borussia Dortmund dhe Liverpool dhe aktualisht i angazhuar te Red Bull. Si tjetër asistent duket i synuar holandezi Pepijn Lijnders, i cili ka qenë zëvendësi i Klopp te Liverpool dhe kohët e fundit ka punuar me Pep Guardiola te Manchester City.
Problemet e mundshme me kontratat e sponsorizimit duket se janë gati për t’u zgjidhur: Klopp nuk ka konflikte me partnerët kryesorë komercialë të Federatës Gjermane, ndërsa marrëveshja e tij personale me Adidas skadon pas Botërorit 2026 dhe, sipas Die Welt, nuk do të rinovohet. Impegnimi i parë zyrtar i Klopp si trajner i kombëtares pritet të jetë në Superkupën e Gjermanisë mes Borussia Dortmund dhe Bayern Mynih më 22 gusht. Takimi në New York synon të përcaktojë aspektet e fundit të projektit sportiv dhe të konsolidojë raportet personale midis Klopp dhe drejtuesve të DFB; nëse marrëveshja formalizohet, Jurgen Klopp do të bëhet “komisari teknik” në historinë e Gjermanisë.
