Trajneri i Bregut të Fildishtë, Emerse Fae, u përplas me Bastian Schweinsteiger pas një deklarate të ish-futbollistit gjerman që u konsiderua fyese për skuadrën afrikane. Pas fitores 2-0 ndaj Curaçaos, e cila kualifikoi Bregun e Fildishtë në raundin e 1/16 të finaleve të Kupës së Botës, Fae në konferencën për shtyp komentoi komentin e Schweinsteigerit se futbolli i kësaj skuadre është “shumë afrikan, pak ortodoks dhe pak i egër”. Kjo frazë nxiti polemika dhe indinjatë të gjerë.
Në fjalën e tij, Fae evitoi të përkufizojë Schweinsteiger si racist, por tha se deklaratat e tij mund të etiketoheshin si raciste. Trajneri shprehu zhgënjim: “Ndihem i zhgënjyer. Është e çuditshme që foli në këtë mënyrë.” Ai theksoi gjithashtu se skuadra do të tregojë diçka tjetër për afrikanët në fushë: “Do të tregojmë se Afrika nuk bazohet vetëm në aspektin fizik, por edhe në shumë aspekte teknike dhe taktike.”
Fae përfundoi reagimin e tij duke i cilësuar komentet e Schweinsteigerit “të neveritshme” dhe duke vënë në dukje se ka njerëz që kërkojnë të bëjnë lajm me deklarata të tilla. Ai shtoi se Schweinsteiger “ka qenë një yll futbolli në nivel botëror, tani është pak në hije dhe dëshiron të jetë në qendër të vëmendjes.”
Bregu i Fildishtë u prezantua në fazën e grupeve si një prej skuadrave më të vështira për kundërshtarët: arriti të mposhtë Ekuadorin, përballoi vështirësi për Gjermaninë e madhe dhe e mbylli fazën me fitoren bindëse ndaj Curaçaos. Fitorja kundër Curaçaos i dha skuadrës kualifikimin për në 1/16-t e finales, rreth të cilit u zhvillua edhe debati mbi komentet e ish-lojtarit gjerman dhe reagimin e trajnerit Fae.
Top Channel
