Presidenti amerikan Donald Trump po përgatitet për një takim me Sekretarin e Përgjithshëm të NATO-s, Mark Rutten, në Shtëpinë e Bardhë, ndërsa shprehu pakënaqësi të mëdha ndaj aleatëve europianë. Përgjigja e tij ndaj pyetjes së gazetarëve për rishikimin e pranisë ushtarake amerikane në vendet anëtare të NATO-s dhe për mundësinë e tërheqjes së trupave nga Europa, e udhëhequr nga Sekretari i Mbrojtjes Pete Hegseth, u shpreh si paralajmërim. Trump tha se SHBA-ja ka qenë “një anëtar i shkëlqyer të NATO-s, në shumë aspekte i vetmi anëtar i vërtetë dhe pa dyshim anëtari dominues”, dhe se “në rrjedhën e viteve kemi shpenzuar jo miliarda, por triliona dollarë për mbrojtjen e Evropës”. Ai shtoi se donte të verifikonte nëse aleatët ishin “vërtet aty për ne” dhe se, kur kërkuan mbështetjen e tyre, “ata nuk u shfaqën”, duke e quajtur këtë “absurd”.
Trump iu drejtua veçanërisht kryeministrit të dorëhequr britanik Keir Starmer, të cilin e akuzoi për mungesë angazhimi dhe shmangie përgjegjësish ndaj një vendi aleat. Sipas tij, “Starmer nuk ishte aty për në, dhe njerëzit në Mbretërinë e Bashkuar nuk e pritën mirë këtë. Ai nuk tha thjesht ‘jo’, por edhe deklaroi se ‘do të jemi aty pasi të fitoni’. Unë iu përgjigja se nuk kishim nevojë për ndihmë pasi të kishim fituar. Nuk po flisnim me Winston Churchill, këtë mund ta them me siguri”.
Presidenti përmendi gjithashtu vende të tjera europiane, përfshirë Italinë dhe Gjermaninë, duke vënë në pikëpyetje balancën e kontributeve brenda Aleancës. Ai deklaroi se SHBA-ja “jap për NATO-n rreth 600 miliardë dollarë në vit, e këto janë shifra të çmendura”, dhe se pavarësisht shpenzimeve të mëdha për mbrojtjen e tyre, kur kërkohet bashkëpunim “ata preferojnë të mos përfshihen”. Sipas Trumpit, SHBA-ja i mbron kryesisht këta vende nga Rusia, dhe kur kërkojnë bashkëpunim, “na refuzojnë”, një qëndrim që ai përfundoi duke e quajtur “të pakuptimtë”. Top Channel.
