Kryetari i Partisë Demokratike, Sali Berisha, ka bërë ndryshime të konsiderueshme në përbërjen e Këshillit Kombëtar duke përjashtuar një numër emrash që ishin pjesë e strukturës së mëparshme. Nga krahasimi i përbërjes së vjetër me listën e kandidatëve të propozuar për votim në Kuvendin Kombëtar të PD-së rezulton se rreth 38 anëtarë nuk janë rikandiduar dhe mbeten jashtë forumit drejtues.
Mes emrave që nuk figurojnë në listën e re përfshihen figura si Aldo Bumçi, Andi Mustafaj, Arben Imami, Bujar Kapexhiu, Julian Deda, Rudina Hajdari dhe Robert Budina, si dhe emra të tjerë nga radhët e demokratëve. Ndryshimi përbën një ristrukturim të dukshëm të përbërjes së Këshillit Kombëtar sipas listës së prezantuar për votim.
Lista e demokratëve që u përjashtuan nga Këshilli Kombëtar i PD përfshin emrat e mëposhtëm: Aldo Bumci, Andi Mustafai, Arben Imami, Bujar Kapexhiu, Dasho Aliko, Dorel Memoçi, Eliona Gremi, Elton Bano, Edlira Bushati, Esmeralda Metko, Fatbardha Kadiu, Florin Kurmekaj, Florion Mima, Gentian Mishova, Ibrahim Morina, Imanuel Çaushaj, Irena Progni, Julian Deda, Klara Bici, Klaus Shaqiri, Lediana Fratari, Lorin Hoxha, Malbor Duka, Matilda Qyrku, Mariglen Kurtballaj, Minushe Lazaj, Nadire Meçorapaj, Osman Stafa, Qemal Çejku, Robert Budina, Rudina Hajdari, Sajmir Mulgeci, Shkëlqim Hoxha, Spiro Vaso, Voltana Ademi, Xheraldo Dashi, Xhulian Guçe dhe Zyrafete Kulla.
Ky ndryshim i përbërjes vjen në përgatitje të votimit të listës së re në Kuvendin Kombëtar të Partisë Demokratike. Emrat e përmendur janë ata që, sipas krahasimit me përbërjen e mëparshme, nuk janë propozuar sërish për të qenë pjesë e forumit drejtues të PD-së. Top Channel
