Një automjet mori flakë në mes të ditës në Lower Manhattan, duke shkaktuar panik mes kalimtarëve që u përpoqën të largoheshin nga vendi i ngjarjes. Sipas mediave lokale, zjarri shpërtheu pasdite pranë kryqëzimit të Broadway dhe Stone Street, vetëm disa hapa larg statujës së “Charging Bull” në zonën e Wall Street. Një video dramatike e shpërndarë në rrjetet sociale tregon makinën të përfshirë nga flakët, që shpërtheu papritur dhe detyroi njerëzit që po e filmonin ngjarjen me telefonat e tyre të iknin për siguri.
Në një postim në Twitter raportohej se një mjet mori flakë dhe shpërtheu në një top të madh zjarri rreth orës 18:00, dhe se Departamenti i Zjarreve të New York-ut (FDNY) kishte reaguar dhe fikur zjarrin pa raportuar të lënduar. Në tekst bëhet gjithashtu e ditur se zjarri u shua rreth orës 19:00 dhe që zjarrfikësit konfirmuan se askush nuk mbeti i lënduar. Autoritetet e hetimit po punojnë për të përcaktuar shkakun e flakëve; deri tani, sipas njoftimeve, nuk ka dyshime për ndonjë akt të qëllimshëm.
Pamjet e shpërndara në rrjetet sociale tregojnë mbetjet e djegura të automjetit pranë një Starbucks-i të zonës, ndërsa incidenti shkaktoi konfuzion dhe kaos të shkurtër në një nga zonat më të frekuentuara të Manhattanit. Ngjarja ndodhi pranë zonave të njohura si Wall Street dhe World Trade Center, duke rritur shqetësimin ndër personat në vendngjarje për shkak të flakëve dhe shpërthimit të papritur.
Zjarrefikësit dhe autoritetet lokale mbetën në vend për të fikur flakët dhe për të hetuar rrethanat, ndërsa qytetarët dhe turistët u larguan nga zona derisa situata u kontrollua. Hetimet vazhdojnë për të përcaktuar shkakun dhe rrethanat e sakta të incidentit.
