Afati i fundit për zyrtarizimin e kandidaturave për postin e presidentit të Federatës Italiane të Futbollit ishte 13 maj, ndërsa zgjedhjet do të zhvillohen më 22 qershor. Të mërkurën u depozituan zyrtarisht dy kandidatura: Giovanni Malagò dhe Giancarlo Abete.
Giovanni Malagò, i mbështetur nga Lega Serie A dhe B, Shoqata e Futbollistëve dhe Trajnerëve, njoftoi të martën se do të kandidonte për të pasuar Gabriele Gravina-n, i cili dha dorëheqjen. Paraditen e të mërkurës ai i dorëzoi kandidaturën përmes të deleguarit të tij.
Giancarlo Abete, aktualisht president i Ligës së Futbollit Amator, depozitoi personalisht kandidaturën. Në hyrje të selisë së Federatës Italiane të Futbollit Abete deklaroi: “Erdha në Federatë për Komitetin e presidencës dhe të Këshillit, siç e kam thënë më parë, paraqes kandidaturën time dhe kështu mund të nisë një fazë debatesh dhe diskutimesh për dokumentat programatikë në mënyrë që të bëjmë rrugëtimin e duhur. Dyzet ditë janë shumë për të diskutuar problemet e futbollit.”
Federata Italiane e Futbollit ka afat deri më 22 maj për të publikuar pranimin e kandidaturave të depozituara, një muaj para zhvillimit të zgjedhjeve.
